Søk om draktsett til miniputtane!

Som hovudsponsor til NFF Sogn og Fjordane er vi stolte av å få dele ut draktsett til miniputtane (6-9 år) i heile Sogn og Fjordane. Til saman skal vi dele ut drakter til ein verdi av 125 000 kroner.

Laget må ha løyve frå klubbleiar til å søke. Dette på grunn av lokale sponsoravtalar og bransjeeksklusivitet. Fyll ut skjemaet nedst på sida for å søke.

Draktene er av merket Nike eller Umbro, og dei vil ha Sparebanken Sogn og Fjordane-logoen på brystet. Eit sett vil bestå av totalt ti spelarsett med langerma trøye, shorts og strømper, og av desse er det to keeperdrakter. For dei yngste (6-7 år) vil eit sett berre bestå av spelartrøyer då dei ikkje brukar keeper på turneringane.

Draktene er i fargane raudt, blått, kvitt, svart, gult, oransje og grønt.

Når søknadsfristen er ute vil dei heldige vinnarane bli trekt. Vi ønskjer at alle skal få draktene til Kongleriket Miniputt Runde 1 søndag 5. mai.

Draktene skal vere i laget og gå vidare til neste gruppe av 6-9-åringar.

Vi håpar dette tilbodet vil glede alle som driv med barnefotball. Masse lykke til med årets sesong til både store og små!