Trening med Funkygine i Sognahallen torsdag 14. september
Vi er snart klare til fylle Sognahallen med mange treningsglade! Det blir stort oppmøte, og for å gje alle ei god oppleving denne kvelden, finn du alt du treng å vite nedanfor.
Oppmøte
Kl. 17:00: Oppmøte i treningskle ved inngangsporten i Sognahallen. (Sjå illustrasjon) Du viser fram SMSen du har fått av oss og finn deg ein oppmerka plass inne i hallen. Ta med drikkeflaske og godt humør!
Parkering
Vi oppfordrar å gå/sykle/samkøyre til arrangementet då parkeringsplassen fort blir full. Kjem du med bil, er det lurt å kome ekstra tidleg. Sjå parkeringsplassar her.
Program for kvelden
Kl. 17:30: Laila frå Sparebanken Sogn og Fjordane og Jonas frå Kaupanger IL ønsker velkommen. Sjølve treningsøkta er på ca 40 min og blir effektiv og variert med sveittegaranti!
Det blir storskjerm og musikk styrt av den unge og talentfulle DJ Trym frå Kaupanger.
Etter treninga blir det Meet&Greet, der deltakarar kan få ta bilde saman med Funkygine (ca 30 min). Avslutning ca 19:15.
Har du ein ven, eller ei veninne som har lyst å vere med på treninga, men som enno ikkje har meld seg på? Vi har enno nokre ledige plassar.
Aldersgrensa for treninga er 15 år. Det er også mogleg å vere med som publikum om du kjenner nokon som av ulike årsaker ikkje kan trene, men ønsker å vere med å sjå på. Det er inga nedre aldersgrense for å vere publikum, men barn under 12 år bør kome i følgje med vaksen.
Vi gler oss til å sjå deg på torsdag. Velkommen!