BankID-appen er ei digital kodebrikke som du kan bruke for å logge inn eller signere med BankID. Med ansiktsgjenkjenning eller fingeravtrykk går innlogginga raskt, trygt og enkelt. No kan du også få legitimasjonen din i appen.
Slik kjem du i gong med BankID-appen
1. Last ned appen for Iphone eller Android. (Hugs også at du må ha BankID-avtale på plass for å ta i bruk appen. Det kan du bestille nettbanken)
2. Appen må aktiverast før du kan bruke den. Det er ulike framgangsmåtar for Android og Iphone, men fortvil ikkje. Klikk nedanfor for å sjå detaljerte forklaringar på korleis du aktiverer appen på mobilen din.
3. Tillat varslingar frå BankID-appen i innstillingane på telefonen din. Då blir det enklare når du skal bruke den.
Sikker bruk av BankID:
Del aldri BankID-passordet ditt med andre. Sjølv ikkje familiemedlemmar eller andre du stoler på.
Bruk eit heilt unikt passord, som du ikkje bruker til noko anna.
Bytt passordet ditt om du trur at nokon har fått tilgang til det.